السلام عليكم ورحمة الله وبركاته
اول شي الموضوع كتير مهم ومفيد
بس انا بدي حدا استشيرو
انا عندي طفل عمرو 5 سنين هو طبيعي مافيو شي بس يمكن من كتر الدلال اتأخر لحتى ابتدى يحكي واتأخر لما ابتدى يمشي وحتى الآن هو لم يعلم يعني بعدني بحطلو بامبرز رح يجنني ماعم اعرف اتصرف معو وخصوصا اني بغربة واهلي ببلد تاني
اما موضوع العصبية فهاد لحالو هم كبير اي شي بيركض لعندي بدو يعضني او يضربني مع اني بتعامل معو بهدوء بس من يومين ماعاد فيني اتحمل ف ضربتو لانو فقدت اعصابي ورغم اني ضربتو ضل متابع عصبيتو وهجومو وكل السبب لانو ابوه طلع من البيت ومااخدو معو وعلى اي سبب بيعصب هيك والاب كتير بيدللو يعني اي شي بيطلبو لازم يحصل عليه بس من فترة بسيطة ابتدى الاب يصرخ عليه حتى يفهم وخصوصا لما ابتدى يضربني
قلولي شو اعمل
والله ماعم اعرف كيف اتصرف وكيف ربي هالولد
يعني عمر 5 سنين مالو صغير وبيحكي وبيفهم بس للي بدو ياه
الشي يلي مابدو يفهمو بيعمل حالو ماعم يسمع
لاقولي حل كرمال الله
وشكرا كتير